O`tgan mavsumni Rossiya chempionati vakili Yaroslavlning "Shinnik" jamoasida o`tkazgan terma jamoamiz darvozaboni Yevgeniy Safonov joriy yilda Yekaterinburgning "Ural" jamoasi sharafini himoya qilishi mumkin.
Xabaringiz bor, birinchi divizion vakili bo`lgan mazkur klubda yana bir hamyurtimiz Vladimir Radkevich ham faoliyat yuritadi. Aytgancha, Radkevich jarohati tufayli "Ural"ning BAAda o`tkazadigan yiginlarida ishtirok etolmaydigan bo`ldi. Safonov haqida gapiradigan bo`lsak, jamoa bosh murabbiyi Aleksandr Pobegalovning aytishicha, u klub bilan kelishib bo`lgan. Shartnoma qancha muddatga tuzilgani esa oshkor qilinmadi.

Ma'lumotlar
www.interfutbol.uz saytidan olingan

Turkmanistonlik qurbon Berdiyev boshchiligidagi "Rubin" ayni kunlarda o`z yiginlarini Ispaniyaning Marbelya shahrida o`tkazmoqda. qozonliklar navbatdagi nazorat uchrashuvlarini Germaniya uchinchi divizioni vakili "Osnabryuk" jamoasiga qarshi o`tkazdilar.
O`yin 1:1 hisobidagi durang natija bilan yakunlandi. Yaqinda jamoa bilan shartnomasini uzaytirgan O`zbekiston termasining faxriy himoyachisi Andrey Fyodorov uchrashuvning ikkinchi bo`limida maydonga tushdi.

Ma'lumotlar
www.interfutbol.uz saytidan olingan

Ronaldoni "Milan"ga o`tganidan jahli chiqqan "Inter" xo`jayini Massimo Moratti azaliy dushmanidan oldinroq "Barselona" yetakchisi Ronaldinoni qo`lga kiritishga qaror qildi. Aytish joizki, "Milan" yozgi transferlar bozorida Ronaldinoni sotib olishni bosh maqsad qilgan.
Unga "rassonerlar" kabi "CHelsi" ham qiziqib qolgan va mish-mishlarga qaraganda, ushbu klublar braziliyalik uchun 65 million funt sterling to`lashga tayyor turishibdi.

Norasmiy ma'lumotlarda keltirilishicha, "Inter" prezidenti nima qilib bo`lsada, qo`shni jamoa-ni qiyin vaziyatga tushirib qo`ymoqchi, shu sabab Ronaldino uchun "Barselona"ga 100 million yevro taklif qilmoqchi. Neft baroni Ronaldinoning xaridiga klubning 100 yilligiga sovga tariqasida qarayapti - 2008 yilda "Inter" 100 yilga kiradi.

Ma'lumotlar
www.interfutbol.uz saytidan olingan